يهل الناديت بسمي هواى عيده
ويه هل ماخذ دليل وياك عيده
الكلب مو بسعد رمضان عيده
اني عندي العيد من نكعد سويه
تكلي بعد ما اريدك ولا ابيك
هاي اطباع مو منك ولا بيك
ابد ما الوم والدتك ولا ابيك
الوم الوكت الرهاك عليه
قسيت وياك يسمر عمي انا
وعين الي الماتشوفك عمي انا
اذا خالك فزعلك عمي انا
تبرة وضحك والوادم علية
اجزعت من الصبر روحي وملت
اهموم احصدت بالدنيا وملت
بنيران الفضا اتجوت وملت
الجزع صاحت من الهم والاذيه
بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه
الكلب لا مظهر ولا مال غربه
ولو عمري بحماده انشتل غربه
ما احمل بكاع اجناب غربه
احن واشتاك هلي بكل مسيه
سهرت الليل بودادك وحييت
وكلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه
حبيبي فارگ عيوني ونساني
گضه عمره وياي حاسبني ونساني
حسباله الهجر عدل ونساني
ونه عدلي يكسر ضلوعي بيه
صديقك الفاضلك بالطيب فضله
ومثل مافضلك عن الناس فضله
اشكره وموجزاته انكار قضله
يجبلك يوم هم تعتاز فيه
اريد الزم خدودك واشتمنه
واريد انعل ابيك واشتمنه
تدري شراد كلبي وشتمنه
على صدرك انام الليل وهايهيه
حبيبي شلون عنده عيون فله
واشعر الراس عن ايدي فله
تمنيت انه اوياه فرد فله
واشوفه الغرام اشعمل بيه
حلو وياك كلبي صفه نيته
يريد يكون يمك صفه نيته
شارعنه بجمالك صفينيته
وطاح من الركن للركن بيه
مايوم الك خنت طول العمر وافيت
ولاكلت انته خنت ولاكلت وافيت
كلبي من هجر كلبك احس للموت وافيت
كلب كلبي توفه وعم عليه
وحق الله وملائكته وكتبه
عجبني شايل الجنطه وكتبه
لعب بيه الدهر و الطر و كتبه
بالچذب ما انكسر گلبه و حن عليه
هفت
هله يلي عليك الروح هفت
مد ايدك على نار القلب هفت
شكثر ناس علي بحجار هفت
لجن بشوفتك جتني المنيه
ضعن حبي لوى ابهجري على ايسـار
اصب الدمع والواشي على ســــار
اظل آنه اطبق اليمنه على ايسار
على ولفي تركني وخان بيـــــه
معاد الناس كلهة وانتة أصلي
مثل غصن بفروعك وانتة أصلي
راح اوكف ابابك وانتة اصلي
وكل طلقة التجيني ضماد الية
قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية
احب جفنك واحب عينك ورمشاك
واضل طول العمر امشي وره امشاك
اذا تكطع مراسيلك ورمشاك
اسويها معارك طائفيه
وگع گلبي بغرامك ماتشيله
وجرح شوگ البيه ماتشيله
اخابر وأنته تسمع ماتشيله
ولك هالروح ماتحمل أذيه
حبيتك واصبحت ابغير .. عالم
ورب العرش يشـهدلـي .. وعالم
طالب اني عندك وانت .. عالم
تشرحلي وترد تمتحن بيـه
نشدت الناس عنك و انته هينه
و على فراكك تعذبنه و انتهينه
قلبي انته التعذبه و التهينه
بس تظل انت اعز محبوب اليه
حبيبي جروح الك بل روح حالن..
وأمس چنت احسن من اليوم حالا..
أريدك تنتخيلي وتمر حالا..
باچر وين ماتلحگ علية
يشطك جاري مايه من يعبره
خذت دوم الاوادم مني عبرة
تكول عليه جاهل من يعبره !
وانه اسوه العلمك واسوه أبيه(ابوه)
هام العگل من شوگگ وجن بيك
وشبيه الگمر من يضون وجن بيك
ابوسك لو يحبسوني وجن بيك
أوامر من وزير الداخليه
غرف رمان بخـــــدوده غرف تين
ويريت اغرفلي من حسنا غرفتين
داجر مشتمل كلبي غرفتيـــــن
والايجار بوسه بكل مسيــــــــه
عقد ياقوت ذرعانك وفضه
على المخلوق طش حسنك وفضه
حسابي وياك اريد اكعد وفضه
واحجي العلي والمو عليه
ردت طيفك يلوح بيوم مالاح
وطعم فركاك صار هواي مالح
بعد مادز رساله وابد مالح
لان كلما ادز مترد عليه
روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه
اخذ گلبي حلالك وانتحر بيه
اخذ دمي وشرايني وانت حر بيه
سم بالماي احطنك وانتحر بيه
ولا غيرك يمس اصبع من اديه
حياتي عكب شخصك شلي بية
وجميع اعضاي صارت شلل بية
توديلي رسايل شلي بية
اريدن شوفتك والكعدة سويا
شوفني الفراگ نجوم ظهري
وگمت للشيبة اگلهابساع ظهري
ردتك يابني انته حزام ظهري
ترد العيلة لوصارت عليه
اذهب ورتحل عنك ورد ليك
و من بستان كلبي ارسل ورد ليك
يمعذب كلب دامي و أرد ليك
رسائل شوك وياهن هديه
انه بحبك ابد مايوم غشيت
وعن كل البنات النظر غشيت
گعدت يمه وعليه بسكوت غشيت
وگف صاح المدرس غش عليه
على مودك عفت ربعي وناسي
واسد بحلوك شماتي وناسي
اذا عني غفل كلبك وناسي
انه بطرواك لسه وتدري بيه
على فراكك جميع اعضاي ناحت
وعلية من البشر رضعان ناحت
الك صورة بنص حشاي ناحت
اطلعها من يعن شوكك علية
مشيت بدرب المحبة وضاع مني
وصدك حبك حبيبي ضاع مني
اجذب كلمن كال حبك ضاع مني
يضيع اشلون وانت النفس بية
اغار اعليك حتى من خيالك
واذا تمشي اصير انة خيالك
صرت عمك حبيبي وصرت خالك
واصيرلك عشيرة وهاي هية
الك ياصاح گلبي طرشاني
وابد ماصرت كتبه طرشاني
اخرس رد عماني وطرشاني
اصم ايگلي ما نرهم سويه
وسفه الدهر شتتكم وطركم
حسافه ماكضه منهم وطركم
بذجركم هذا انه اهذي وكركم
يعيد الله شتتكم جمع ليه
زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه
حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه
مر ولفي ايهبتني ومره هبته
ومره اوصلت يمه مره هبته
طحت مقدر يصاحب مره هبته
اسد يخسه الاسد ملقاه اليه
ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه
سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه
وحم الالف واللامين والها
روحي بهوى ساهي العين ولها
لها ثغر وجبين وعين والها
خذ شبه البدر لو سطع ضيه
من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه
حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه
وحك آية عصا موسى وسينا
الك حثت رجايبنه وسينا
الك حسن النبي يوسف وسينا
الي والنور الك والنار اليه
يحادي روعت قلبي بلحداي
يخايب لفني وياهم بلحداي
اون طول الدهر حتى بلحدي
على الساروا وخلوني شجيه
كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه
حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه
الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه
روحي والهوى ودنياي وعداي
علي وشلون اشيل الجدم وعداي
صابر وانتظر واشوف وعداي
ابفرح لو دوم وكتي محيط بيه
ابكثر مانوح ملوني يراني
طحت والشامت ابعينه يراني
يخوتي السبع من جسمي يراني
اكبال اهلي وعمامي اتشوف هيه
اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه
دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه
المصايب بس على روحي تلافت
يقلبي اعله النكر طيبك تلافت
اون وعطامي بهجرك تلافت
طريح وساد دوب النفس بيه
عفاني جيف الى مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يالقطعت الوصل بيه
روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه
تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه
هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه
ناحل وامشي امكابر تراني
اجلد خاف عدواني تراني
تاره الموت يدهاني تراني
اصحه من يمر شامت عليه
قوم انصب يصاحب ماتم النه
على الوياه ليله ماتم إلنه
لون الرجل يملك ماتمنه
مهو بالهون فركاهم عليه
يصاحب لو تشوف اشلون كتماي
على عيوني ويسح الدمع كتماي
اشما اقل للروح سر الهوه كتماي
تحن وتهيج الساكن عليه
تظن انساك وانته الروح واسلاك
سبب مايوم مني انقطع وسلاك
أعيش آنه عقب فرقاك وسلاك
معافي والوشاة أعملوا بيه
هذا البيه كنتم لايميني
وعذر مافاد بيكم لايميني
لو تكتف يساري وي يميني
هذاك انه الهوى غالب عليه
اشمالك يازماني علي صليت
ابنار وحمسيت اجلاي صليت
مثل ماصلت ام عمران صليت
فنكحني الهوه وذبني بنويه
مدري لاتناشدني على احشاي
بجيت وصب دمع عيني على حشاي
تبعت الضعن وكفوفي على حشاي
إشما مال الضعن روحي إتميل بيه
أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه
نصحته اولا نفع وياه نصحاي
سكاره احنه بهواه مابعد نصحاي
جفاني وصرت نصي ميت نصحاي
نحيل ولا اثر نكاد بيه
وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه
اعذرني والوكت عنك لهاني
بعزاك الزاد الي ابدا لهاني
تفر من البدن روحي لهاني
بسبب ماشالت التابوت هيه
ثوب الحزن بفراكك لبسنه
وثكيل الطبع طبعه لو لبسنه
ولك خدك ماوصلناله لا بسنه
تزعل ليش يمدلل عليــــه
تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه
عليك الليل كله انه ونه
ومعاك العتب هسه ان اوانه
اتهدد بالنفاها انه وانه
وينك مو طبك دهر العليه
غرامك اثر بالعشك وداره
هجرت الي تعب وياك وداره
سمعت بقيس عاف اهله وداره
حملت الضيم وهمومك سويه
منو مثلي تعب لجلك وداراك
جهنم لجلك اتحمل و داراك
عسا من غيرك يسمر وداراك
ابسكم لا للحيا ولا للمنيه
يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه
قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية
حبيبي شرد اسولفلك ولكدر
والهموم مبن ماعاين ولكدر
الي جان وكتي ولكدر
وصرت انته والوكت عليه
نوبه حلوات الليالي نوبه مرات
وحبيبة الروح علي ما مرات
مو مره الخنتي يحبيبه مرات
تخونين وتصح بيه الاذيه
ولو مايسوى كلمة من اكتبة
ولكن سالفة ونكتة نكتبة
شنو حكم الغدر صاحب نكت بيه
عليه التف غفل لفة الحية
العقل بأمر الصديق ارجوك حكمة
وبدال النكتة خلي ايكون حكمة
اليغدر صاحبة مو مهم حكمة
المهم شلون نتلافة القضية
صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه
انة الحزت الصبر والصبر حزني
والف وسفة اعلة سيف الظلم حزني
البحر البيض لون يلفيه حزني
يصير اسود بلون اليل مية
أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه
حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه
احبك من جنت جاهل واناحباي
مابطل وني عليك ونحباي
لون ينكضي نحبك ونحباي
يتلاكه هوانا جوه الوطيه
جنت انت المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليه
جمر دمعي عله خدودي ترى سال
كطعََّتّّّّ اخبارك حبيب تراسل
انه انسليت من هجرك ترى سل
وتون الروح وتريد المنيه
يمرمرني ويصيحن بيه همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليه
وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه
زماني شما لعب بيه ولهتم
والراده علي يسري ولهتم
بروحي شماتغيرتوا ولهتم
لان حبكم دوه لكل مرض بيه
كلبي من الحزن ورث وعطاب
وعيني اعله الطالع وعطاب
حنيت لزادك وملحك وعطاب
لان بس ملحك الغزر بيه
جيتك وبظلام الليل عناي
وعزفت بروحي مية جرح عناي
بعد ما ظنك تنشد عناي
بعد هجرك يروح الروح اليه
مره اشوفكم مشمش مرتين
وكلبي مو مره حب مرتين
العنده مره هلكانوانه مرتين
وحده ترفع والثانيه تكبس بيه
بنات الوكت يا ناس مرضني
يرضي بيهن الكلب مايرضيني
مره يقيني يصيب وياهن مرضني
ضني بكيدهن ميه بالميه
فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه
نساك الطلع برة ونـتـناسة
يالعراق انت اهله وانت ناسة
يذكرك تراب الوطن وانت ناسة
لاتنسة الفرات من شربت ميه
لوما شفتك انه
متت من العطش لوما شفتك انه
اذا ما شفتك انه شفتك انه
ابكل الناس من تكبل عليه
العُمر تيهته وضـــاع سِـــــــني
وكبرت وطاح من گدام سِِــــــني
چنت شيعي ومن كثرحبك صرت سِـــــني
اچتف بالصلاة غصبن علــــيه
دخنت من التتن دنهل وسومر
وگلبي جفانا وجافكم زنجروسومر
وحبكم بده من عهد بابل وسومر
ولك حتى حمورابي انحرگگلبه عليه
أنا دلولي نحر بيا البــين يسعى
ثقل همي ولالي صـــدر يسعى
اليغص بالزاد أهو للماي يسعى
وانا بالماي اغص أشــــنون بيه
يدنيا انتي ابعدابي ليــــــش تسعين
ابعزم الله إشماعندش ضيج تسعين
اخوتي ابيوم ضرفي حــلو تسعين
بعد ما ادري الوقت مــامنهم بجيه
يدنيا إشمال دولابج يناحي
ومن الصوبين كسرتي جناحي
أنا الكنت أمر وناهي
صرت شبوط والفالات بيه
أحبابي اشنـون حــالتــكم بعدنا
اشبدينا والوقـــت عنـــكم بعدنا
إذا انتم نسيتونا ترى احنا بعدنا
أبذكركم كل صباح وابكل مسيه
مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية
يراس المال انتة والتجارة
وعليك العين تدمع والتجارة
يهنيلة الصار جارك وانتة جارة
يشوفك كل صباح وكل مسية
الغيرك ما رجف كلبي ولا دك
وثكيل وياك ميزاني ولا دك
انوبة عليك مارمش ولا دك
اريد اوجوه تتلكة سوية
كلبي شما يحبك يرد صامت
وروحي من حزنها عليك صامت
شما خلي جهازي وضع صامت
يصرخ من تدك انتة علية
عشرتي وياك سنهه ما سحكته
وطحنت الكلب كتلي ما سحكته
من دربك مشيته ما سحكته
احس جن الدرب يسحك عليه
موساف انته عقلك علمسافات
وشعرك ليله ظلمه علمسفات
اليحب يعتني غصبن علمسافات
ويبجي الليل لو حن بلمسيه
كلبك ابد ماحس من اذاني
ومااعرف صلاتي من اذاني
جنه اثنين كطنه من اذاني
وانشلعت بعد منرد سويه
لمرض كض روحي انته من كضك
والدنيه وليش كلي منكضك
ادعي امن الله اكولن من اكضك
وينك يا علي و تلزك اديه
حبيب انه اريدك واخ اريدك
ودواي ايدك شعطل وخريدك
شمااكضك تكلي وخر ايدك
ردت مراد من مديت اديه
اشكف بس بديه الوكت منهد
وعليك الدمع علخدين منهد
ومن يوم الرحت والحيل منهد
واطيحن من تهب هويه قويه
انتخيل نحل جسمك ونتصوره
انته اشرحلي حالك وانته صوره
ابوسنك واحضنك وانته صوره
وانه وصورتك نغفه سويه
يا ايام الفرح وياي دومن
انه المحروم من الضحك دومن
علي حزني على الراسين دومن
وخمس صايات والدوشش بديه
بعدك انه احسن بيه بعدين
عصافير بحجر والقصد بعدين
اكلك يمته اشوفك كلت بعدين
ياهلبعدين يمته تصير جيه
الرسول اسلام اخوه قال باله
وما صافي الاحبه قال باله
عشرته وياي صارت قاله باله
يحن مره وكلب مره عليه
مع تحيات أحمد الخالصي
اللقب : مهندس اليرموك
الرئيسية 
التسجيل 
دخول 
الثلاثاء يوليو 21, 2009 8:37 am