محاوره بين الشاعر الراحل رحيم المالكي و سمير صبيح

Admin عدد المساهمات : 12 تاريخ التسجيل : 19/08/2008

محاوره بين الشاعر رحيم المالكي و سمير صبيح

رحيم
يكلبي ما نفع تعبك ولا رباك
وحصتك صارت الدوخه والارباك
بطريقك بعد ما عاين ولا رباك
من أطيعك هم ترد الحفره حيه
________________________
سمير
روحك هم مثل روحي بها ون
وتدور عالفرح كاعك بهاون
عشت عمري مثل كهوه بهاون
يدك والنار عين الهه عليه
________________________
رحيم
لان طكات شماتي بها ماي
وشن لاتضن عيني بها ماي
أذا عذل رضا يبصم بهاماي
أكطعه الجان يرضالي برديه
________________________
سمير
حميتك دافعت عنك ورحماك
الطعن أهون ولا لوذن ورحماك
كلت أوليك ما عوفك ورحماك
وليت وطيبتي عمت عليه
________________________
رحيم
أنه الواضح والمبين ولاخاف
وانه الما رجفن جدامي ولا خاف
وأنه الما نكص وزني ولا خف
أختفيت وخفت خف وزن العليه
________________________
سمير
مهله أنطيني و صبرلي لعلماك
أخاف تكول ما يعرف لعلماك
انه الساريه الواكف لعلماك
من أطيح اطيح خركه على الوطيه
________________________
رحيم
حبيبي أجروحي ألك بالروح حالا
وأمس جنت أحسن من اليوم حالا
أريدك تنتخيلي وتمر حالا
باجر وين ما تلحك عليه
________________________
سمير
الحزن لايك على كلبي ويا فت
فت حيلي ومعا شوفي ويافت
غبت وأنتهت كلش ويافت
أشم بالذيل والراس البليه
________________________
رحيم
أتنخه اتريد اجيك اليوم بالحال
وأنته أعلم حبيب الروح بالحال
شما أحله وياك ما تقتنع بالحال
أدليك الدرب وترد عليه
________________________
سمير
أسكت لا تضل تشكي بهاماك
وتلوم الكلب وتعضعض بهاماك
أخذ طبع النخل وأرفع بهاماك
وأذا بالطين عركك هاي هي
________________________